ஐ.எஸ். தீவிரவாத இயக்கத்தில் சேர்ந்து போரிட்ட இந்திய வாலிபர் பலி

சிரியாவில் உள்ள ஐ.எஸ். தீவிரவாத இயக்கத்தில் சேர்ந்து போரில் ஈடுட்ட ஐதராபாத்தை சேர்ந்த வாலிபர் பலியாகிவிட்டதாக உளவுத்துறை தகவல்கள் வெளியாகியுள்ளன.
ஐதராபாத்தை சேர்ந்த பொறியியல் மாணவர் ஹனீப் வாசீம் (25) என்பவர் கடந்த 2014-ம் ஆண்டு, நவம்பர் மாதம் படிப்புக்காக லண்டன் சென்றுள்ளார்.

பின்னர் சிரியாவிற்கு சென்று ஐ.எஸ். தீவிரவாத இயக்கத்தில் இணைந்து அவர் போரிட்டுள்ளார்.

அடிலாபாத்தில் உள்ள சாதான் கல்லூரில் பட்டப்படிப்பு முடித்துள்ள அவர், கடைசியாக கடந்த பிப்ரவரி மாதம் தனது சகோதரியின் திருமணத்திற்கு வீடு வந்துள்ளார்.

மேலும், அவர் காரிம்நகரை சேர்ந்த மற்றொரு வாலிபரை அழைத்து சென்றதாகவும் கூறப்படுகிறது,

இந்நிலையில் ஹனீப் வாசீம், கடந்த மார்ச் 15ம் திகதி உயிரிழந்தார் என்று உளவுத் துறை தகவல்கள் வெளியாகியுள்ளதாக தெரிவிக்கப்பட்டுள்ளது.

கடந்த வருடத்தில் பெரும்பாலான இந்திய வாலிபர்கள், ஐ.எஸ். தீவிரவாத இயக்கத் தலைவன் அபுஅக்பர் அல்-பக்தாதியின் பேச்சை கேட்டு, தீவிரவாத இயக்கத்தில் இணைய முயற்சி செய்தனர் என்பது குறிப்பிடத்தக்கது.