சார்ஜாவில் இந்திய வாலிபர் மின்சார வயரினால் தூக்கிட்டு தற்கொலை

சார்ஜாவில் இந்திய வாலிபர் ஒருவர் மின்சார வயரில் தூக்கிட்டுக் கொண்டு தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது.
ஐக்கிய அமீரக நாடுகளில் ஒன்றான சார்ஜாவில் 29 வயது இந்திய வாலிபர் ஒருவர் தொழிற்பேட்டை ஒன்றில் ஒப்பந்த தொழிலாளியாக பணியாற்றிய படி, அருகாமையில் உள்ள தொழிலாளர் குடியிருப்பு பகுதியில் வசித்து வந்தார்.

இந்நிலையில் அவர் தனது அறையில் மின்சார வயரில் தூக்கிட்டு பிணமாக தொங்கிக் கொண்டிருப்பதாக சகத் தொழிலாளர்கள் நேற்று பொலிசில் புகார் அளித்துள்ளனர்.

இதனையடுத்து சம்பவ இடத்திற்கு விரைந்து வந்த பொலிசார், அந்த வாலிபரின் பிணத்தை கைப்பற்றி பிரேத பரிசோதனைக்கு அனுப்பி வைத்துள்ளனர்.

இது தொடர்பாக உறவினர்கள் மற்றும் நண்பர்களிடம் பொலிசார் தீவிர விசாரணை நடத்தி வருகின்றனர்.