சுண்டிக்குளத்தில் தொடரும் ஈ.பி.டி.பி. உறுப்பினரின் அட்டூழியம்: சிறீதரன் குற்றச்சாட்டு

ஈ.பி.டி.பி உறுப்பினர் சிலரினால் கிளிநொச்சி சுண்டிக்குளம் பகுதியில் கடற்றொழிலாளர்களின் வலைகள் சேதப்படுத்தப்பட்டுள்ளதாக பாராளுமன்ற உறுப்பினர் எஸ்.சிறீதரன் குற்றம் சுமத்தியுள்ளார்.
இந்த சம்பவம் நேற்றைய தினம் இடம்பெற்றுள்ளதாக அவர் ஊடகங்களுக்கு வெளியிட்டுள்ள அறிக்கையில் குறிப்பிடப்பட்டுள்ளது.

குறித்த வலைகள் கண்டாவளை பிரதேசசெயலர் பிரிவை சேர்ந்த ஈ.பி.டி.பி உறுப்பினரான கு.அருமைராசா என்பவர் தலைமையிலான ஈ.பி.டி.பி உறுப்பினரால் சேதமாக்கப்பட்டுள்ளன.

கடற்றொழிலாளிகள் தொழில் செய்யமுடியாதபடி அழிவுகளை ஏற்படுத்தியுள்ளனர்.

கு.அருமைராசா ஈ.பி.டி.பி உறுப்பினராக இருந்து கொண்டும், அப்பகுதி கடற்றொழிலாளர் சங்கத்தின் தலைவர் பதவியினை ஈ.பி.டி.பியின் அனுசரணையில் பெற்றுக்கொண்டும் கடந்த காலங்களில் மக்களுக்கு எதிரான பல்வேறு நடவடிக்கைகளில் ஈடுப்பட்டு வருகின்றார் என பாராளுமன்ற உறுப்பினர் மேலும் குறிப்பிட்டுள்ளார்.

அத்துடன் கு.அருமைராசாவின் அட்டூழியங்கள் நாளுக்கு நாள் அதிகரித்து வருவதாக கடற்றொழிலாளர்கள் விசனம் தெரிவித்துள்ளனர்.