ஐ.தே.கவிற்கு எதிரான மக்கள் பேரணி: லங்கா சமசமாஜ கட்சி

ஐக்கிய தேசிய கட்சிக்கு எதிர்ப்பு தெரிவிக்கும் வகையில் மக்கள் இயக்கத்தின் பேரணியொன்றை முன்னெடுக்கவுள்ளதாக லங்கா சமசமாஜ கட்சி தெரிவித்துள்ளது.
எதிர்வரும் மே தினத்தை முன்னிட்டு இந்தப் பேரணியை நடத்த தீர்மானிக்கப்பட்டுள்ளது.

மே தினம் தொடர்பாக நாரஹேன்பிட்டியில் நேற்று சந்திப்பொன்று நடைபெற்றது.

குறித்த சந்திப்பில் முன்னாள் அமைச்சர்களான தினேஷ் குணவர்தன, பந்துல குணவர்தன, முன்னாள் சிரேஷ்ட அமைச்சர் திஸ்ஸ வித்தாரண உள்ளிட்டோரும் கலந்து கொண்டுள்ளனர்.

இதன்போது தற்போது ஐக்கிய தேசிய கட்சியே அரசாங்கத்தில் முழுமையான பங்களிப்பை செலுத்துவதாகவும், ஐக்கிய தேசிய கட்சி ஒருபோதும் தொழில் புரியும் மக்கள் தரப்பில் இருந்து செயற்படவில்லை எனவும் திஸ்ஸ வித்தாரண குற்றம் சுமத்தியுள்ளார்.