தன் மீதும் கட்சி மீதும் மக்கள் வைத்திருக்கும் நம்பிக்கை பாதுகாப்போம்!- ஜே.சீ.அலவத்துவல

by oviya Tue Aug 18, 2015 3:09 pm

குருணாகல் மாவட்டத்திலும், நாடு முழுவதிலும் வாழும் மக்கள் நேற்று நடைபெற்ற தேர்தலில் நாட்டின் நன்மைக்காக புத்திக்கூர்மையுடன் வாக்கினை பயன்படுத்தியுள்ளதாக மேல் மாகாண சபையின் எதிர்க்கட்சி தலைவர் ஜே.சீ.அலவத்துவல தெரிவித்துள்ளார்.
மாவத்துகம தொகுதியில் அதிக ஆசனங்களை வெற்றி பெற்றதனை தொடர்ந்து தனது ஆதரவாளர்களை சந்தித்து கருத்து வெளியிடும் போதே அவர் இவ்வாறு குறிப்பிட்டுள்ளார்.

தொடர்ந்து கருத்து வெளியிட்டவர்,

முன்னாள் ஜனாதிபதியை வியூகமாக பயன்படுத்தி குருணாகல் மாவட்டத்தில் முன்னணி பெரும்பான்மையை பெற்றுக் கொள்ள முயற்சித்தன

எனினும் மக்கள் அவர்களை தோற்கடித்து ஐக்கிய தேசியக் கட்சிக்கு 07 ஆசனங்களை பெற்று கொடுத்திருப்பது மிகவும் விசேடமான ஒன்றாகும்.

முன்னணி நாடு முழுவதும் இன வெறியை பரப்பி மேற்கொண்ட தேர்தல் பிரச்சாரங்களை நிராகரித்து ஐக்கிய தேசிய கட்சி அரசாங்கம் அமைப்பதற்காக மக்கள் தெளிவான முடிவொன்றை வழங்கியுள்ளனர்.

மக்கள் தன் மீதும் கட்சி மீதும் வைத்திருக்கும் நம்பிக்கையை அவ்வாறே பாதுகாத்து எதிர்வரும் நடவடிக்கைகளை மேற்கொள்வோம் என அவர் மேலும் குறிப்பிட்டுள்ளார்.