களியாட்ட விடுதிகளில் உள்ளவர்களை திருத்தி நல்வழிப்படுத்தவே நான் அங்கு செல்கின்றேன்: மாலக்க சில்வா

நான் இரவு நேர களியாட்ட விடுதிகளுக்கு செல்வது அங்குள்ள கெட்டவர்களை திருத்தி நல்வழிப்படுத்துவதற்கே என முன்னாள் அமைச்சர் மேர்வின் சில்வாவின் மகன் மாலக்க சில்வா தெரிவித்துள்ளார்.
நேற்று நீதிமன்றத்திற்கு சென்றிருந்த சந்தர்ப்பத்தில் ஊடகவியலாளர்களிடம் அவர் இவ்வாறு குறிப்பிட்டுள்ளார்.

நான் மாலையில் மிக்கேலாகவும், இரவில் டானியல் போன்று இருக்கும் ஒருவன். மாலை நேரத்தில் பார்க்கும் மாலக்கவை இரவில் பார்க்க முடியாது. அதனால் இரவு நேர களியாட்ட விடுதிக்கு செல்வதற்கு என்னை அனுமதிக்காதது நல்ல விடயம் என நான் நினைக்கிறேன்.

இரவு நேர களியாட்ட விடுதி ஒன்றுக்கு செல்ல வேண்டும் என நான் நினைத்தால் வெளிநாடுகளில் உள்ள, இரவு நேர களியாட்ட விடுதிகளுக்கு சென்று நான் விரும்பியது போன்று செயற்பட முடியும், இங்கு தான் நான் திரும்பும் இடமெல்லாம் சென்று புகைப்படம் எடுக்கின்றார்கள்.

நான் விகாரைக்கோ அல்லது பாடசாலைக்கோ சென்று எவரையும் தாக்கவில்லை, இரவு நேர களியாட்ட விடுதிகளில் இருப்பவர்கள் அனைவரும் குடிகாரர்கள் தான், அதனால் அவர்களை திருத்தி நல்வழிப்படுத்துவதற்கே, நான் இரவு நேர களியாட்ட விடுதிகளுக்கு சென்றேன் என மாலக்க சில்வா ஊடகவியலாளர்களிடம் தெரிவித்துள்ளார்.