ஆஹா....என்னை கவுரவப்படுத்திவிட்டனர்: மெய்சிலிர்க்கிறார் குஷ்பு

காங்கிரஸ் கட்சியில் இணைந்த சில மாதங்களிலேயே தனக்கு அகில இந்திய காங்கிரசின் செய்தி தொடர்பாளர் பொறுப்பு கொடுத்து கவுரவித்துள்ளதாக குஷ்பு தெரிவித்துள்ளார்.
இதுதொடர்பாக குஷ்பு அளித்துள்ள பேட்டியில், நான் எவ்வித எதிர்பார்ப்பும் இல்லாமல் தான் அரசியலுக்கு வந்தேன், திமுகவில் இணைந்து பாடுபட்டேன், பின்னர் அதிலிருந்து விலகினேன்.

காங்கிரசில் இருந்து அழைப்பு வந்ததும், சோனியா முன்னிலையில் காங்கிரசில் இணைந்தேன். அன்று முதல், காங்கிரஸ் வளர்ச்சிக்காக முழு மனதுடன் பாடுபட்டு வருகிறேன்.

நான் கட்சிக்காக பாடுபடுவது குறித்து சோனியாவுக்கு தெரியும். அதனால், எனக்கு கட்சியின் செய்தி தொடர்பாளர் பதவியை கொடுத்திருக்கிறார், சந்தோஷமாக இருக்கிறது.

மிக முக்கியமான பொறுப்பை அளித்துள்ளதால் எனது பணியை திறம்பட செய்வேன், இந்தியா முழுவதும் பாஜகவுக்கு எதிராக காங்கிரசை வேகமாக வளர்த்தெடுக்கும் பணியில் ஈடுபடுவேன் என்றும் கட்சியில் இணைந்த சில மாதங்களிலேயே இப்பெரிய பொறுப்பைக் கொடுத்து என்னை கவுரவப்படுத்தி விட்டனர் எனவும் கூறியுள்ளார்.