பெப்ரல் அமைப்பின் ஒழுக்க விதிகள் எனக்கு பொருத்தமற்றது!– தேர்தல் ஆணையாளர்

பெப்ரல் அமைப்பின் ஒழுக்க விதிகள் எனக்கு பொருத்தமற்றது என தேர்தல் ஆணையாளர் மஹிந்த தேசப்பிரிய தெரிவித்துள்ளார்.
அரசியல் அமைப்பு அல்லது சட்டத்தின் ஊடாக நிறைவேற்றப்படாத எந்தவொரு ஆவணத்தையும் பின்பற்றக்கூடிய சாத்தியமில்லை என அவர் குறிப்பிட்டுள்ளார்.

கொழும்பில் நேற்று நடைபெற்ற நிகழ்வு ஒன்றில் பங்கேற்ற போது அவர் இதனைக் குறிப்பிட்டுள்ளார்.

அரசியல்வாதிகளுக்கான ஒழுக்க விதிகளை பெப்ரல் என்ற தேர்தல் கண்காணிப்புக்குழு நேற்றைய தினம் வெளியிட்டிருந்தது.

இந்த ஒழுக்கக் கோவையை பெப்ரல் அமைப்பின் தலைவர் ரோஹண ஹெட்டியாரச்சி, தேர்தல் ஆணையாளரிடம் சமர்ப்பித்தார்.

அதனைத் பெற்றுக் கொண்ட தேர்தல் ஆணையாளர் இந்த ஒழுக்க விதிகள் எனக்கு பொருத்தமானதல்ல என தெரிவித்துள்ளார்.

இவற்றை பின்பற்ற வேண்டுமாயின் சட்ட ரீதியான அங்கீகாரம் இதற்கு வழங்கப்பட வேண்டுமென தெரிவித்துள்ளார்.