ஜனாதிபதி தேர்தல் ஏற்பாடுகள் குறித்து இந்திய துணை தேர்தல்கள் ஆணையாளர் திருப்தி தெரிவிப்பு!

இலங்கையில் ஜனாதிபதித் தேர்தலுக்கான முன்னேற்பாடுகள் திருப்திகரமானதாக உள்ளது என இந்திய துணைத் தேர்தல்கள் ஆணையாளர் சியாம் ஸண்டர் பன்ஸாலி தெரிவித்துள்ளார்.
நேற்று அனுராதபுர மாவட்டத்திலுள்ள தேர்தல் நிலவரங்களை அவதானித்த பின்னர் அனுராதபுர மாவட்ட செயலாளரைச் சந்தித்துக் கருத்து வெளியிடுகையிலேயே அவர் இதனைக் கூறியுள்ளார்.

இவர் சர்வதேச தேர்தல்கள் கண்காணிப்புக் குழுவின் செயலாளராக கடமையாற்றுகின்றார்.

இலங்கையில் நடைபெறும் ஜனாதிபதித் தேர்தலை கண்காணிக்க வருகை தந்துள்ள வெளிநாட்டுக் குழு சார்பில் இவர் நேற்று அனுராதபுரம் சென்றிருந்தார்.

அங்குள்ள தேர்தல் ஏற்பாடுகளைப் பார்வையிட்ட பின்னர் கருத்துத் தெரிவிக்கையிலேயே இந்திய அதிகாரி இவ்வாறு கூறியுள்ளார்.