குளவித் தாக்குதலுக்கு இலக்காகி 10 மாணவர்கள் வைத்தியசாலையில் அனுமதி

நோர்வூட் தமிழ் மகா வித்தியாலயத்தில் குளவித் தாக்குதலுக்கு இலக்காகி 10 மாணவர்கள் வைத்தியசாலையில் அனுமதிக்கப்பட்டுள்ளனர்.
இந்தச் சம்பவம் நேற்று காலையில் இடம்பெற்றுள்ளதாக நோர்வூட் பொலிசார் தெரிவித்தனர்.

தாக்குதலுக்குள்ளாகிய மாணவர்கள் பாடசாலை இல்ல விளையாட்டுப் போட்டிகளுக்காக பயிற்சியில் ஈடுபட்ட போதே இந்த சம்பவம் இடம்பெற்றுள்ளது.

குளவித் தாக்குதலுக்கு இலக்கானவர்களில் இருவர் டிக்கோயா ஆதார வைத்தியசாலையில் அனுமதிக்கப்பட்டு சிகிச்சை பெற்று வருவதாகவும் ஏனையோர் சிகிச்சை பெற்று வீடு திரும்பியுள்ளதாகவும் வைத்தியசாலை வட்டாரங்கள் தெரிவித்துள்ளன.