குளவித் தாக்குதலுக்கு இலக்காகி 7 பேர் பாதிப்பு! ஒருவர் கவலைக்கிடம்

நுவெரலியா மாவட்டத்தில் ஹற்றன் பொலிஸ் பிரிவிற்குட்பட்ட ஒட்ரி தோட்டத்தில் இன்று காலை 9.30 மணியளவில் தேயிலை மலையில் வேலை செய்து கொண்டிருந்த ஏழு தொழிலாளர்கள் மீது குளவி தாக்கியுள்ளது.
தேயிலை மலையில் வேலை செய்துகொண்டிருந்த போது தேயிலை மரத்தின் அடிப்பகுதியிலிருந்து கலைந்து வந்த குளவி கூடு தங்களை இவ்வாறு தாக்கியுள்ளதாக பாதிக்கப்பட்ட தொழிலாளர்கள் தெரிவித்தனர்.



தாக்குதலுக்கு இலக்கான ஏழு பேரும் டிக்கோயா கிளங்கன் மாவட்ட வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.

இதில் ஐந்து பேர் பெண்களும் இரண்டு பேர் ஆண்களும் அடங்குகின்றனர். இதில் ஒருவர் கவலைக்கிடமாக இருப்பதாக வைத்தியசாலை வட்டாரங்கள் தெரிவிக்கின்றன.