திருகோணமலையில் பயிற்சியின் போது கடற்படை வீரர் பலி

திருகோணமலை கடற்படை முகாமில் இடம்பெற்ற பயிற்சிகளின் போது கடற்படை வீரர் ஒருவர் உயிரிழந்துள்ளதாக பொலிஸார் தெரிவித்தனர்.
குறித்த சம்பவம் நேற்று திங்கட்கிழமை மாலை இடம்பெற்றுள்ளதாக கடற்படை ஊடகப் பேச்சாளர் அலுவலகம் தெரிவித்துள்ளது.

கடற்படை முகாமில் இடம்பெற்ற பயிற்சிகளின் போது சுகயீனமுற்ற குறித்த வீரர் திருகோணமலை வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.

திருகோணமலை பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.