வாகரையில் சட்டவிரோத மீன்பிடியில் ஈடுபட்டவர்கள் கைது

வாகரையில் சட்டவிரோதமான முறையில் மீன்பிடியில் ஈடுபட்ட சிலர் கைது செய்யப்பட்டுள்ளனர்.
தடை செய்யப்பட்ட முறையை பயன்படுத்தி மீன்பிடியில் ஈடுபட்டதாக குறித்த மீனவர்கள் மீது குற்றம் சுமத்தப்பட்டுள்ளது.

வாகரை கடற்பரப்பில் டைனமயிட் பயன்படுத்தி மீன்பிடியில் ஈடுபட்டதாகத் தெரிவிக்கப்படுகிறது. இன்று அதிகாலை 1.00 மணியளவில் மீனவர்கள் கைது செய்யப்பட்டுள்ளனர்.

பொலிஸாரின் உதவியுடன் குறித்த மீனவர்களை கடற்றொழில் நீரியல் வள திணைக்கள அதிகாரிகள் கைது செய்துள்ளனர். மீன்களைப் பிடித்து வந்த வாகனம், ஒரு தொகுதி டைனமயிட் வெடிபொருள், வலைகள் உள்ளிட்ட பொருட்களையும் பொலிசார் மீட்டுள்ளனர். மீனவர்கள் வாழைச்சேனை நீதிமன்றில் முன்னிலைப்படுத்தப்பட உள்ளனர்.