பிரதமர் பதவிக்கு குறி வைக்கும் நிமால் சிறிபால டி சில்வா

பொது தேர்தலில் போட்டியிடும் ஸ்ரீலங்கா சுதந்திர கட்சியின் பிரதம வேட்பாளர் தொடர்பாக தீர்மானங்கள் எட்டப்படாத நிலையில் ஜனாதிபதியே பிரதம வேட்பாளரை தெரிவு செய்வார் என எதிர்கட்சி தலைவர் நிமல் சிறிபால டி சில்வா தெரிவித்துள்ளார்.
கொழும்பில் நேற்று இடம்பெற்ற ஊடகவியலாளர் சந்திப்பின் போதே அவர் இதனை தெரிவித்தார்.

இதுவரை பாராளுமன்றம் கலைக்கப்பட்டு பொது தேர்தலுக்கான தினத்தை அறிவிக்காததினால் பிரதம வேட்பாளர் குறித்து பின்னர் தீர்மானிக்க முடியும் எனவும், வேட்பு மனு தாக்கல் தொடர்பாக கட்சியின் தெரிவுக்குழுவிடம் தேர்தலில் போட்டியிடும் வேட்பாளர்கள் வேண்டுகோள் முன்வைக்கவேண்டும் எனவும் தெரிவித்துள்ளார்.

போட்டியிடுபவர் யாராக இருப்பினும் கட்சியின் தெரிவுக்குழு அனுமதி வழங்கிய பின்னரே போட்டியிட முடியும்.

மேலும் பிரதம வேட்பாளரை நியமிப்பது ஜனாதிபதியே எனவும் இது தொடர்பாக யாரும் கணிப்பு சொல்ல முடியாது எனவும் எதிர்க்கட்சி தலைவர் தெரிவித்துள்ளார்.

பிரதமர் பதவிக்கு குறி வைக்கும் நிமால் சிறிபால டி சில்வா

முன்னாள் ஜனாதிபதி மகிந்த ராஜபக்சவின் அரசாங்கத்தில் பிரதமர் பதவியை எதிர்ப்பார்த்து, கடந்த ஜனாதிபதித் தேர்தலில் போட்டியிட்ட தற்போதைய ஜனாதிபதி மைத்திரிபால சிறிசேனவுக்கு எதிராக பல்வேறு அவதூறு பேச்சுக்களை வெளியிட்ட நிமால் சிறிபால டி சில்வாவுக்கு மீண்டும் பிரதமராக வேண்டும் என்ற எண்ணம் தோன்றியுள்ளது.

கொழும்பில் நேற்று ஊடகங்களிடம் கருத்து வெளியிட்ட நிமால் சிறிபால டி சில்வா,

பொதுத் தேர்தலில் போட்டியிடும் பிரதமர் வேட்பாளர் குறித்து ஸ்ரீலங்கா சுதந்திரக் கட்சி எந்த தீர்மானங்களையும் எடுக்கவில்லை.

இன்னும் தேர்தல் நடத்தும் திகதி அறிவிக்கப்படவில்லை. நாடாளுமன்றத்தில் அதிகளவான நாடாளுமன்ற உறுப்பினர்களின் நம்பிக்கையை வெல்லும் நபரை ஜனாதிபதி பிரதமராக நியமிப்பார்.

இதனால், எதிர்கால பிரதமர் யார் என்பது பற்றி எதிர்வுகூற முடியாது என நிமால் சிறிபால டி சில்வா குறிப்பிட்டுள்ளார்.

எவ்வாறாயினும் ஜனாதிபதி மைத்திரிபால சிறிசேனவின் மன கவர்ந்து எதிர்வரும் பொதுத் தேர்தலில் ஜனாதிபதி பிரதமர் வேட்பாளராக போட்டியிட்டு அந்த பதவியை பிடிக்கும் ஆசையில் நிமால் சிறிபால டி சில்வா இருந்து வருவதாக தெரியவருகிறது.

இதற்காக அவர் ஊடக நண்பர்கள் சிலரிடமும் ஒத்துழைப்புகளை கோரியிருப்பதாக தெரிவிக்கப்படுகிறது.