பிரதமர் பதவிக்கு ரணில் பொருத்தமானவர் இல்லை: ஹெல உறுமய

100 நாள் வேலைத் திட்டத்தின் நோக்கங்களை நிறைவேற்றுவதற்கு பிரதமர் ரணில் விக்ரமசிங்க பொருத்தமானவர் இல்லை ஜாதிக ஹெல உறுமய தெரிவித்துள்ளது.
நேற்று வானொலி நிகழ்வொன்றில் கலந்து கொண்டு கருத்து தெரிவிக்கும் போதே ஜாதிக ஹெல உறுமயவின் ஊடக பேச்சாளர் நிஷாந்த ஸ்ரீ வர்ணசிங்க இவ்வாறு குறிப்பிட்டுள்ளார்.

பிரதமர் பதவிக்கு பொருத்தமான ஒருவரை நியமிக்குமாறும், அத்துரலிய ரத்ன தேரர் அல்லது மாதுலுவாவே சோபித்த தேரர் ஆகிய இருவரில் ஒருவரே அப்பதவிக்கு பொருத்தமானவர் எனவும் அவர் கூறியுள்ளார்.

மேலும் தேர்தல் முறைமையினை இவ்வளவு விரைவாக மாற்றுவது அவசியமா எனவும் அவர் கேள்வியெழுப்பியுள்ளார்.