துறைமுக நகர திட்டத்தை பிரதமர் நிறுத்துமாறு சொன்னாரா என்று தெரியவில்லை: ராஜித

சீனாவினால் கொழும்பு காலி கடற்கரையில் மேற்கொள்ளப்படுகின்ற துறைமுக நகர திட்டத்தை நிறுத்துமாறு தான் கூறவில்லை என அமைச்சர் ராஜித சேனாரத்ன தெரிவித்துள்ளார்.
நேற்று இடம்பெற்ற ஊடக சந்திப்பில் கலந்துகொண்டு கருத்து தெரிவிக்கும் போது அவர் இவ்வாறு தெரிவித்துள்ளார்.

நாங்கள் தான் அத்திட்டத்தை ஆரம்பித்தோம். பிரதமர் ரணில் விக்ரமசிங்க குறித்த திட்டத்தை நிறுத்துமாறு கூறினாரா என்று தெரியவில்லை, ஆனால் நாங்கள் நிறுத்துமாறு கூறவில்லை.

குறித்த துறைமுக நகரதிட்டத்தில் சூழலை பாதிக்கும் பிரச்சனை இல்லை, அப்படியான பிரச்சனை இருந்தால் சீனா குறித்த திட்டத்தை ஆரம்பித்திருக்கமாட்டார்கள் என அவர் மேலும் தெரிவித்துள்ளார்.