உள்ளூர் விசாரணை பொறிமுறைக்கு கூட்டமைப்பு இணக்கம் தெரிவிக்காது: சுரேஸ் பிரேமசந்திரன்

யுத்தக்குற்ற மீறல்கள் தொடர்பாக தேசிய விசாரணை மேற்கொள்வதற்கு புதிய அரசாங்கம் தீர்மானித்துள்ளது. இந்த உள்ளூர் விசாரணை பொறிமுறைக்கு தமிழ் தேசிய கூட்டமைப்பு ஒரு போதும் ஆதரவு வழங்காது என தெரிவிக்கப்படுகிறது.
வட மற்றும் மத்திய ஆசிய விவகாரங்களுக்கான அமெரிக்க உதவி இராஜாங்கச் செயலாளர் நிஷா பிஸ்வாலுடன் இடம்பெற்ற கலந்துரையாடலின் போது தமிழ் தேசிய கூட்டமைப்பு இவ்வாறு தெரிவித்துள்ளது.

ஜெனீவா, ஐக்கிய நாடுகள் மனித உரிமை ஆணைக்குழுவினால் தற்பொழுது இடம் பெறுகின்ற விசாரணை நடவடிக்கைகள் தொடர்ந்து இடம் பெறுவதோடு, அதன் அறிக்கை உரிய தினத்தில் முன்வைப்பது அவசியம் என அக்கட்சியின் பாராளுமன்ற உறுப்பினர் சுரேஷ் பிரேமசந்திரன் இன்று பத்திரிக்கை ஒன்றிற்கு தெரிவித்துள்ளார்.

மேலும் 100 நாள் வேலைத்திட்டத்தின் கீழ் தற்போதைய அரசாங்கம் இதுவரை மேற்கொண்டுள்ள நடவடிக்கைகள் திருப்தியடைவதாகவும் அதேவேளை வடக்கில் அகதியான மக்களின் மீள் குடியேற்றம் உட்பட பல காரியங்கள் தொடர்பாக அரசாங்கம் முன்னுரிமை வழங்க வேண்டும் எனவும் அவர் தெரிவித்துள்ளார்.