உங்க தாத்தா அரிசி பதுக்கினவராச்சே: மத்திய அமைச்சரை வெளுத்து வாங்கும் இளங்கோவன்

காங்கிரஸ் கட்சியின் மத்திய அமைச்சர் ஜெயந்தி நடராஜன் விலகியதற்கு அவரது தாத்தாவை இளங்கோவன் வம்புக்கு இழுத்துள்ளது பரபரப்பை அதிகரித்துள்ளது.
முன்னாள் மத்திய அமைச்சரான ஜெயந்தி நடராஜன், காங்கிரஸில் இருந்து வெளியேறுவதாக அறிவித்துள்ளார்.

சுமார் 30 ஆண்டுகாலம் கட்சியில் இருந்த தனக்கு, உரிய அங்கீகாரத்தை காங்கிரஸ் அளிக்கவில்லை என அவர் குற்றம்சாட்டியுள்ளார்.

இந்நிலையில் ஜெயந்தி நடராஜனின் விலகல் தொடர்பாக தமிழ்நாடு காங்கிரஸ் கமிட்டித் தலைவர் ஈ.வி.கே.எஸ்.இளங்கோவன் உடனடியாக, தனியார் தொலைக்காட்சி ஒன்றிற்கு தொலைபேசி மூலமாக பதிலடி கொடுத்துள்ளார்.

அதில் அவர் பேசியதாவது, தமிழகத்தில் பஞ்சம் தலைவிரித்தாடிய போது பக்தவத்சலம் கிடங்கில் அரிசியைப் பதுக்கியவர். பெருந்தலைவர் காமராஜரின் நற்காரியங்கள் பக்தவத்சலத்தின் ஆட்சியால் வீணானது.

மேலும் கடந்த 1967ம் ஆண்டு தமிழகத்தில் காங்கிரஸ் தோற்றதற்கு பக்தவத்சலமே காரணம் என கூறியுள்ளார்.