ஏய் நீங்க சூனியக்காரர்களா? 8 பேரை மொட்டையடித்து மலம் சாப்பிட கட்டாயப்படுத்திய ஆசாமிகள்

ஒடிஷா மாநிலத்தில் சூனியம் வைப்பவர்கள் என்ற சந்தேகத்தில் 2 பெண்கள் உள்பட 8 பேரை கட்டாயப்படுத்தி மனித மலம் தின்ன வைத்து ஒரு கும்பல் அட்டகாசம் செய்துள்ளது.
கடந்த 18ம் திகதி கஞ்சம் மாவட்டத்தில் உள்ள ஒலப்பூர் என்ற கிராமத்தில் இச்சம்பவம் நடந்துள்ளது.

இது தொடர்பாக பொலிசார் நடத்திய விசாரணையில், மலம் உண்ண வைப்பதற்கு முன்பு அவர்களுக்கு மொட்டை அடித்துள்ளனர். பற்களையும் பிடுங்கி கொடூரமாக இந்தக் கும்பல் நடந்து கொண்டுள்ளது தெரியவந்துள்ளது.

இதுகுறித்து பொலிசார் கூறுகையில், இச்சம்பவம் குறித்து பாதிக்கப்பட்டவர்களில் ஒருவர் நேற்றுதான் புகாரின் பேரில் இதுவரை 3 பேரைக் கைது செய்துள்ளோம். அதில் ஒருவர் கிராம வார்டு உறுப்பினர் ஆவார்.

மற்றவர்களையும் கைது செய்ய நடவடிக்கை எடுத்துள்ளோம், அவர்கள் தலைமறைவாகி விட்டனர்.

மேலும் பாதிக்கப்பட்ட பலர் அந்த சம்பவத்திற்குப் பின்னர் உயிருக்குப் பயந்து கிராமத்தை விட்டு வெளியேறி விட்டனர்.

அவர்களுக்கு பல்வேறு இடங்களில் மருத்துவமனைகளில் சிகிச்சை அளிக்கப்பட்டு வருகிறது என்றும், அதில் ஒருவரின் நிலை கவலைக்கிடமாக உள்ளது எனவும் கூறியுள்ளார்.