தமிழக மீனவர்கள் 34 பேரை சிறைப்பிடித்த இலங்கைக் கடற்படை

by oviya Tue Oct 27, 2015 1:15 pm

தமிழக மீனவர்கள் 34 பேரை இலங்கைக் கடற்படையினர் சிறைப்பிடித்துச் சென்றுள்ளனர்.
மீன்வளத்துறை உதவி இயக்குநர் இது குறித்து கூறுகையில், புதுக்கோட்டை மாவட்டம் கோட்டைப்பட்டினத்தைச் சேர்ந்த 23 மீனவர்கள் நெடுந்தீவு அருகே மீன் பிடித்துக் கொண்டிருந்தனர்.

அப்போது அங்கு வந்த இலங்கைக் கடற்படையினர் 23 மீனவர்களை கைது செய்துள்ளனர்.

இதேபோல், ராமேசுவரத்தைச் சேர்ந்த மீனவர்கள் கச்சத்தீவு அருகே மீன்பிடித்துக் கொண்டிருந்த போது, 11 மீனவர்களையும் இலங்கைக் கடற்டையினர் சிறைபிடித்துள்ளனர்.

இரண்டு வெவ்வேறு இடங்களில் ஒரே நாளில் 34 மீனவர்கள் சிறைபிடிக்கப்பட்டுள்ளனர்.

மேலும், அவர்களது படகுகளை சேதப்படுத்தி, 40 மீன்பிடி வலைகளை அறுத்தெறிந்துள்ளனர். 7 படகுகளையும் பறிமுதல் செய்துள்ளனர்

சிறைபிடிக்கப்பட்ட மீனவர்கள் அனைவரும் தலைமன்னார், காங்கேசன்துரை துறைமுகத்துக்கு கொண்டு செல்லப்பட்டுள்ளனர் என தெரிவித்துள்ளார்.