அரசாங்க அபிலாஷைகளை மறக்க வேண்டாம்! விமல் கோரிக்கை

முன்னாள் ஜனாதிபதி மகிந்த ராஜபக்ஷவிற்கு கிடைத்த 58 லட்சம் வாக்குகளின் அரசாங்க அபிலாஷைகளை மறக்க வேண்டாம் என ஸ்ரீலங்கா சுதந்திர கட்சி உறுப்பினர்களிடம் முன்னாள் அமைச்சர் விமல் வீரவன்ச கேட்டுக்கொண்டார்.
பத்தரமுல்ல தேசிய சுதந்திர முன்னணியின் பிரதான காரியாலயத்தில் இன்று இடம் பெற்ற ஊடக சந்திப்பின் போது இவ்வாறு தெரிவித்துள்ளார்.

ஊடக சந்திப்பில் ஊழல் மற்றும் மோசடி தொடர்பாக விமல் வீரவன்ச உட்பட முன்னாள் அமைச்சர் குழுவின் மீது தொடரப்பட்ட குற்றச்சாட்டு தொடர்பாக கேள்வி எழுப்பப்பட்டது.

அவ்வாறான குற்றச்சாட்டுகள் இருப்பின் இந்த விஷயம் குறித்து முறையான விசாரணையை நடத்துமாறு விமல் வீரவன்ச தெரிவித்துள்ளார்.