முன்னாள் அரசாங்கத்தின் முக்கியஸ்தரின் கட்டிடத்திலிருந்து பெறுமதியான பொருட்கள் மீட்பு

முன்னாள் அரசாங்கத்தின் முக்கியஸ்தர் ஒருவருக்கு சொந்தமான கட்டிடம் ஒன்றில் மேற்கொண்ட சோதனை நடவடிக்கைகளில் பெறுமதியான பொருட்கள் மீட்கப்பட்டுள்ளதாக தெரிவிக்கப்படுகிறது.
குறித்த கட்டிடத் தொகுதியிலிருந்து பல பெட்டிகளை பொலிஸார் ஏற்றிச் சென்றனர் என நேரில் கண்ட மக்கள் தகவல் தெரிவித்தனர்.

கொழும்பு மிரிஹானாவில் உள்ள கட்டிடத் தொகுதியில் நேற்றிரவு திடீர் சோதனையை மேற்கொண்ட பொலிஸாரே அங்கிருந்து பல பெட்டிகளை மீட்டுள்ளனர்.

இந்தப் பெட்டிகளில் பணம், தங்கம் எனப் பெறுமதியான பொருட்கள் இருக்கலாம் என எதிர்வு கூறப்படுகிறது.

எனினும் இது குறித்து தகவல் வெளியிட்ட ஐக்கிய தேசியக் கட்சியின் நாடாளுமன்ற உறுப்பினர் ரஞ்சன் ராமநாயக்க அங்கிருந்து பெறுமதியான பல பொருட்கள் கைப்பற்றப்பட்டன என்று மட்டும் குறிப்பிட்டார்.

மேலும், பொதுமக்கள் வழங்கிய தகவல்களின் அடிப்படையிலேயே இந்த தேடுதல் நடவடிக்கை இடம்பெற்றது என்றும் அவர் குறிப்பிட்டார்.