12 லட்சம் ரூபா பெறுமதியான வெளிநாட்டு மதுபானம் மீட்பு

by oviya Sun Jun 21, 2015 2:01 pm

12 லட்சம் ரூபா பெறுமதியான வெளிநாட்டு மதுபான போத்தல்களை நீர்கொழும்பில் வைத்து பொலிஸார் கைப்பற்றியுள்ளனர்.
இந்த மதுபான வகைகளை விற்பனை செய்த நபரையும் கலால் திணைக்கள அதிகாரிகள் கைது செய்துள்ளனர்.

சந்தேக நபர் பயன்படுத்திய அதி சொகுசுரக வாகனத்தையும் பொலிஸார் கைப்பற்றியுள்ளனர்.

60 லட்ச ரூபா பெறுமதியான டொயோடா பிரிமியர் ரக வாகனமொன்றே இவவாறு மீட்கப்பட்டுள்ளது.

விமான நிலையத்தின் தீர்வை செலுத்தப்படாத வெளிநாட்டு மதுபான வகைகளே இவ்வாறு மீட்கப்பட்டுள்ளதாகத் தெரிவிக்கப்படுகிறது.

சந்தையில் 6500 ரூபாவிற்கு விற்பனை செய்யப்படும் ஜொனி வோல்கர் ரக மதுபானத்தை இந்த நபர் 3200 ரூபாவிற்கு விற்பனை செய்துள்ளார்.

கொழும்பு நட்சத்திர ஹோட்டல்களில் நடைபெறும் திருமணம் உள்ளிட்ட வைபவங்களுக்கு இந்த நபர் வெளிநாட்டு மதுபான வகைகளை குறைந்த விலையில் விநியோகம் செய்து வந்துள்ளதாகத் தெரிவிக்கப்படுகிறது.

மீட்கப்பட்ட மதுபான போத்தல்களை கட்டுநாயக்க விமான நிலையத்திற்கு அருகாமையில் உள்ள இடமொன்றில் பெற்றுக்கொண்டதாக சந்தேக நபர் விசாரணைகளின் போது தெரிவித்துள்ளார்.

மதுபான வகைகளை கொள்வனவு செய்ய செல்வது போன்று வேடமிட்டு சென்று மதுபான வகைகளை மீட்டு சந்தேக நபரை கலால் திணைக்கள கைது செய்துள்ளனர்.

நீர்கொழும்பு பெரியமுல்ல பிரதேசத்தில் நேற்று குறித்த சுற்றி வளைப்புச் சம்பவம் இடம்பெற்றுள்ளது.

45 வயதான பெரியமுல்ல பிரதேசத்தைச் சேர்ந்த நபர் ஒருவரே கைது செய்யப்பட்டுள்ளார்.

நீதிமன்றில் முன்னிலைப்படுத்தப்பட்ட நபரை எதிர்வரும் 24ம் திகதி வரையில் விளக்க மறியலில் வைக்குமாறு நீதவான் உத்தரவிட்டுள்ளார்.