சந்திம வீரக்கொடி வராதே! ஆளுங்கட்சி ஆதரவாளர்கள் எதிர்ப்பு ஆர்ப்பாட்டம்

முன்னாள் பிரதி சபாநாயகர் சந்திம வீரக்கொடி அரசாங்கத்துடன் இணைந்து கொள்ளக் கூடாது என்று ஆளுங்கட்சி ஆதரவாளர்கள் எதிர்ப்பு ஆர்ப்பாட்டத்தில் ஈடுபட்டுள்ளனர்.
இந்தச் சம்பவம் இன்று காலை காலி, ஹபராதுவை பிரதேசத்தில் இடம்பெற்றுள்ளது.

ஆர்ப்பாட்டத்தில் ஈடுபட்டவர்கள் அப்பிரதேசத்தின் பாதைகளை மறித்து ஆர்ப்பாட்டத்தில் ஈடுபட்டதன் காரணமாக போக்குவரத்து நெருக்கடியும் ஏற்பட்டுள்ளது.

ஆர்ப்பாட்டத்தில் ஈடுபட்டவர்கள் சந்திம வீரக்கொடியை இணைத்துக் கொள்ளக் கூடாது எனக் கோரும் வகையிலான கோசங்களையும் எழுப்பியிருந்தனர்.

குறித்த ஆர்ப்பாட்டத்தை ஐக்கிய தேசியக் கட்சியின் ஹபராதுவை தொகுதி அமைப்பாளரும், பிரதேச சபை எதிர் கட்சித் தலைவருமான லயனல் இபலவத்த ஏற்பாடு செய்திருந்தார்.