சுதந்திர கட்சி நாடாளுமன்ற உறுப்பினர்களை பேச்சுவார்த்தைக்கு அழைக்கும் ஜனாதிபதி

ஜனாதிபதி மைத்திரிபால சிறிசேன ஐக்கிய மக்கள் சுதந்திரக் கூட்டமைப்பு நாடாளுமன்ற உறுப்பினர்களை பேச்சுவார்த்தைக்காக அழைத்துள்ளார்.
ஐக்கிய மக்கள் சுதந்திரக் கூட்டமைப்பில் அங்கம் வகிக்கும் சகல நாடாளுமன்ற உறுப்பினர்களுக்கும் இந்த அழைப்பு விடுக்கப்பட்டுள்ளது.

ஜனாதிபதி செயலகத்தில் இன்று மாலை 4.00 மணிக்கு இந்த சந்திப்பு ஏற்பாடு செய்யப்பட்டுள்ளது.

இந்த சந்திப்பில் பங்கேற்பதா என்பது குறித்து தீர்மானிக்கும் நோக்கில் நேற்று மேல் மாகாண முதலமைச்சர் இல்லத்தில் நடைபெற்ற கூட்டத்தில் தீர்மானம் எதுவும் எடுக்கப்படவில்லை.

இன்று காலை மீளவும் ஐக்கிய மக்கள் சுதந்திரக் கூட்டமைப்பில் அங்கம் வகிக்கும் கட்சித் தலைவர்கள் கூடி பேச்சுவார்த்தை நடத்த உள்ளனர்.

இந்த பேச்சுவார்த்தையின் போது ஜனாதிபதியின் அழைப்பை ஏற்று சந்திப்பில் கலந்து கொள்வதா இல்லையா என்பது குறித்து இறுதித் தீர்மானம் எடுக்கப்பட உள்ளது.

தேசிய அரசாங்கமொன்றை அமைப்பது மற்றும் 100 நாள் திட்டத்திற்கு ஆதரவு திரட்டுவது ஆகியனவற்றை அடிப்படையாகக் கொண்டு ஜனாதிபதி மைத்திரிபால சிறிசேன ஐக்கிய மக்கள் சுதந்திரக் கூட்டமைப்பு உறுப்பினர்களை சந்திக்க உள்ளார்.