4 மனைவிகளை கட்டிக்கொண்டு, 40 குழந்தைகள் பெறும் கலாச்சாரம்: பெண்களை இழிவுப்படுத்திய எம்.பிக்கு ஆப்பு

உத்தரபிரேதச மாநிலத்தின் எம்.பி பெண்களுக்கு எதிராக சர்ச்சைக்குரிய கருத்துகளை வெளியிட்டதால் தற்போது சிக்கலில் உள்ளார்.
கடந்த 7ம் திகதி மீரட்டில் நடைபெற்ற நிகழ்ச்சி ஒன்றில் அவர் பேசியதாவது, 4 மனைவிகளை கட்டிக் கொண்டு, 40 குழந்தைகளை பெற்றுக் கொள்ளும் கலாச்சாரம் இந்தியாவுக்கு ஒத்துவராது.

இந்துக்களின் எண்ணிக்கை உயரும் வகையில் இந்து பெண்கள் அனைவரும் 4 குழந்தைகள் பெற்றுக் கொள்ள வேண்டும் என பேசியுள்ளார்.

இந்த விவகாரம் நாடு முழுவதும் சர்ச்சையை ஏற்படுத்தியது. மேலும் எம்பி பதவியில் இருக்கும் ஒருவர் வகுப்புவாத உணர்வுகளை தூண்டும் வகையில் பேசியது கடும் கண்டனத்திற்குரியது என்று பல்வேறு தரப்பில் இருந்தும் எதிர்ப்புகள் கிளம்பின.

இது அவரின் தனிப்பட்ட கருத்து, பாஜவின் கருத்து அல்ல என்று அமித்ஷா விளக்கம் அளித்துள்ளார்.

ஆனால் இதை ஏற்க மறுத்த எதிர்கட்சிகள் இது தொடர்பாக மத்திய அரசு விளக்கம் அளிக்க வேண்டும் என்று அழுத்தம் கொடுத்தன.

இந்நிலையில் சர்ச்சைக்குரிய விதத்தில் பேசிய சாக்ஷி மகராஜ் 10 தினங்களுக்குள் விளக்கம் அளிக்க வேண்டும் என்றும், இல்லையேல் அவர் மீது ஒழுங்கு நடவடிக்கை எடுக்கப்படும் எனவும் பாஜ மேலிடம் சாக்ஷி மகராஜூக்கு நோட்டீஸ் அனுப்பியுள்ளது.