அண்ணியை பலாத்காரம் செய்ய முயன்ற நபர்: பலிக்காததால் ஆசிட் வீச்சு

உத்திரப்பிரதேச மாநிலத்தில் வாலிபர் ஒருவர், தனது அண்ணியை பலாத்காரம் செய்ய முடியாததால் அவரின் முகத்தில் ஆசிட் ஊற்றியுள்ளார்.
உத்திரப்பிரதேசம் மாநிலம் முசாபர்நகர் மாவட்டத்தை சேர்ந்த அந்த பெண் தனது கணவரின் சகோதரரான ஜஹாங்கிர் என்பவருடன் சொந்த கிராமமான குடா நோக்கி மோட்டார் சைக்கிளில் சென்றுக்கொண்டிருந்தார்.

வழியில் ஆள் நடமாட்டம் இல்லாத ஒரு இடத்தில் மோட்டார் சைக்கிளை நிறுத்திய ஜஹாங்கிர், சகோதரரின் மனைவி என்றும் பாராமல் அந்த பெண்ணை பலாத்காரம் செய்ய முயன்றார்.

அவரது ஆசைக்கு இணங்க மறுத்த அந்தப்பெண் கூச்சலிட்டு போராடினார். இதனால், வெறுப்படைந்த ஜஹாங்கிர் அவரது முகத்தில் ஆசிட்டை வீசிவிட்டு தப்பியோடி விட்டார்.

இச்சம்பவம் தொடர்பாக பாதிக்கப்பட்ட பெண் அளித்த புகாரின் பேரில் வழக்குப்பதிவு செய்த பொலிசார், தலைமறைவாக இருக்கும் குற்றவாளியை தேடி வருகின்றனர்.