ராஜினாமா செய்ய சென்ற ஆசிரியை..ஆசிட் வீச்சுக்கு உள்ளான பரிதாபம்!

சென்னையில் ஆசிரியை ஒருவர்மீது அவர் பணிபுரியும் பள்ளியின் முதல்வரே ஆசிட் வீசியுள்ள சம்பவம் பெரும் பரபரப்பை ஏற்படுத்தியுள்ளது.
சென்னை வளசரவாக்கத்தில் உள்ள சியோன் கிட்ஸ் பள்ளியில் பணிபுரிந்து வந்த மஞ்சு சிங் என்ற ஆசிரியை தனது பணியை ராஜினாமா செய்ய, பள்ளி முதல்வரிடம் ராஜினாமா கடிதம் கொடுக்க சென்றுள்ளார்.

அப்போது அவர்மீது திராவக தாக்குதல் நடத்தப்பட்டுள்ளதாக கூறப்படுகிறது.

ஆசிரியை மீது திராவகம் வீசியதாக பள்ளி முதல்வர் ஃபுளோரா, அவரது மகள் மற்றும் மகன் மீது குற்றம் சாட்டப்பட்டுள்ளது.

இதில் பலத்த காயமடைந்த ஆசிரியை மஞ்சு சிங் சிகிச்சைக்காக தனியார் மருத்துவமனையில் அனுமதிக்கப்பட்டுள்ளார்.

பின்னர் ஆசிரியையின் கணவர் பஷீர் அகமது அளித்த புகாரின் பேரில் மூன்று பேர் மீதும் தற்போது வழக்கு பதிவு செய்யப்பட்டுள்ளது.

மேலும், பள்ளி முதல்வரே ஆசிரியை மீது திராவகம் வீசிய சம்பவத்தால் பள்ளி குழந்தைகளின் பெற்றோர்கள் மத்தியில் கடும் அதிர்ச்சி அடைந்துள்ளனர்.