மைத்திரியின் 100 நாள் வேலைத்திட்டத்திற்கு ஐ.ம.சு.முன்னணி ஆதரவு

ஜனாதிபதி மைத்திரிபால சிறிசேனவின் 100 நாள் வேலைத்திட்டத்திற்கு தமது ஆதரவும் வழங்கப்படும் என ஐக்கிய மக்கள் சுதந்திர முன்னணி தெரிவித்துள்ளது.
கொழும்பில் இன்று நடைபெற்ற ஊடகவியலாளர் சந்திப்பில் முன்னணியின் நாடாளுமன்ற உறுப்பினர் நிமல் சிறிபால டி சில்வா இதனை கூறியுள்ளார்.

புதிய பிரதமராக ரணில் விக்ரமசிங்க நியமிக்கப்பட்டதையும் நாங்கள் ஏற்றுக்கொள்கிறோம். அந்த நியமனம் தொடர்பில் அரசியலமைப்பு சிக்கல்கள் இருந்தாலும் மக்களின் நிலைப்பாட்டுக்கு மதிப்பளித்து அந்த சிக்கல்களை புறந்தள்ளுகிறோம்.

ஜனாதிபதித் தேர்தல் முடிவுகள் வெளியான பின்னர் எமது கட்சியினருக்கு பல்வேறு இன்னல்கள் நடந்து வருகிறது.

இந்த இன்னல்களை நிறுத்தி குற்றவாளிகளை கண்டுப்பிடித்து தண்டிக்குமாறு பொலிஸாரிடம் கோரிக்கை விடுப்பதாகவும் நிமால் சிறிபால டி சில்வா குறிப்பிட்டுள்ளார்.