சிக்கன் வறுவல்

தேவையான பொருள்கள்:-

சிக்கன் – 1/4 கிலோ

சின்ன வெங்காயம் – 1கப் பொடியாக நறுக்கியது

பச்சைமிளகாய் – 3நம்பர்

சோம்பு – 1ஸ்பூன்

காய்ந்த மிளகாய் – 5நம்பர்

சீரகம் – 2ஸ்பூன்

மிளகு – 2ஸ்பூன்

தேங்காய் துருவல் – 1கப்

இஞ்சி பூண்டு விழுது – 2ஸ்பூன்

தனியா தூள் – 3ஸ்பூன்

மஞ்சள் தூள் – 1/4ஸ்பூன்

கறிவேப்பிலை – 1கொத்து

கொத்தமல்லி தழை – 1/2கப் பொடியாக நறுக்கியது

புதினா – 1/4கப் பொடியாக நறுக்கியது

தயிர் – 1/2கப்

நல்லெண்ணெய் – தேவையான அளவு

உப்பு – தேவையான அளவு

செய்முறை:-

முதலில் நன்கு கழுவிய சிக்கன் துண்டுகளை தயிர் மற்றும் சிறிது உப்பு சேர்த்து நன்கு பிசைந்து 1/2 மணி நேரம் ஊற விடவும்.
தேங்காய் துருவல், மிளகு, சீரகம், காய்ந்த மிளகாய் ஆகியவற்றை சேர்த்து மிக்ஸியில் மைப்போல் அரைத்துக் கொள்ளவும்.
பின்பு வாணலியில் எண்ணெய் ஊற்றி காய்ந்ததும் சோம்பு போடவும். அது நன்கு சிவந்து வந்தவுடன் கறிவேப்பிலை, வெங்காயம் , இஞ்சி பூண்டு விழுது, பச்சை மிளகாய், புதினா ஆகியவற்றை சேர்த்து பொன்நிறம் வரும் வரை நன்கு வதக்கிக் கொள்ளவும்.
நன்கு வதக்கிய பின்பு ஊறிய சிக்கனை அதில் சேர்த்து சிறிது நேரம் வதக்கவும்.
அதனுடன் தனியாத் தூள், மஞ்சள் தூள் ஆகியவற்றை சேர்த்து பச்சை வாசனை போகும் வரை வதக்கவும்.
பின்பு இக்கலவையுடன் அரைத்த மசாலாவையும் தேவையான உப்பையும் சேர்த்து நன்கு வேகவிடவும். சிக்கனில் உள்ள மசாலா நன்கு சுருக்கி வர வேண்டும். ஒவ்வொரு சிக்கன் துண்டிலும் மசாலா நன்கு ஒட்டிக்கொள்ளும் வரை நன்கு வறுக்க வேண்டும். வறுத்த பின்பு கீழே இறக்கி கொத்த மல்லி தழையை மேலாக தூவவும். தேவையான பொழுது எடுத்து பரிமாறவும்.
சுவையான சிக்கன் வறுவல் தயார்.