இஸ்லாமியர்களுக்கு எதிராக சர்ச்சைக் கருத்து: பா.ஜ.க. எம்.பி. அலகாபாத்தில் நுழைய தடை

பா.ஜ.க. எம்.பி. யோகி ஆதித்யநாத் அலகாபாத்தில் நுழையக் கூடாது என மாவட்ட நிர்வாகம் அதிரடி தடை விதித்துள்ளது.
பா.ஜ.க. எம்.பி, யோகி ஆதித்யநாத் இஸ்லாமியர்களுக்கு எதிராக சர்ச்சைக்குரிய கருத்துகளை தொடர்ந்து தெரிவித்து வருகிறார்.

அலாகாபாத் பல்கலைக்கழகத்தில் செயல்பட்டு வரும் பா.ஜ.க.வின் மாணவர் அமைப்பான அகில பாரதிய வித்யார்த்தி பரிஷத்தின் நிகழ்ச்சிக்கு யோகி ஆதித்யநாத் சிறப்பு விருந்தினராக அழைக்கப்பட்டுள்ளார்.

ஆனால் இதற்கு மாணவர்கள் கடும் எதிர்ப்பு தெரிவித்துள்ளதோடு, அலாகாபாத் பல்கலைக்கழக மாணவர் அமைப்பின் தலைவரான ரிச்சா சிங் உண்ணாவிரதப் போராட்டத்தையும் நடத்தியுள்ளார்.

எனவே, அலகாபாத்துக்குள் நுழைவதற்கு யோகி ஆதித்யநாத்துக்கு தடை விதிக்கப்பட்டுள்ளது.