யாகூப் மேமன் தூக்குக்கு எதிராக கருத்து தெரிவித்த பிரபல நடிகை: பேஸ்புக் அதிரடி நடவடிக்கை

யாகூப் மேமன் தூக்கு தண்டனைக்கு எதிராக கருத்து தெரிவித்த பிரபல நடிகையின் பேஸ்புக் பக்கம் முடக்கப்பட்டுள்ளது.
மும்பை குண்டு வெடிப்பு சம்பவம் தொடர்பாக கைது செய்யப்பட்ட யாகூப் மேமன் கடந்த சில தினங்களுக்கு முன் தூக்கிலிடப்பட்டார்.

இந்த சம்பவம் நாடு முழுவதும் பெரும் பரபரப்பை ஏற்படுத்திய நிலையில், யாகூப் மேமன் தூக்கு தண்டனைக்கு எதிராக சமூக வலைதளங்களில் கருத்து தெரிவிக்க கூடாது என்று மத்திய அரசு எச்சரித்திருந்தது.

இந்நிலையில் பிரபல மலையாள நடிகையான அருந்ததி, யாகூப் மேமன் தூக்கு தண்டனைக்கு எதிராக தனது பேஸ்புக்கில் சில கருத்துக்களை வெளியிட்டதால் உடனடியாக அருந்ததியின் பேஸ்புக் முடக்கப்பட்டுள்ளது.

இது குறித்து நடிகை அருந்ததி கூறுகையில், பேஸ்புக் நிறுவனத்தின் இந்த நடவடிக்கை கண்டிக்கத்தக்கதாகும்.

தேவையில்லாத நிபந்தனைகளை விதித்ததன் மூலம் கருத்து சுதந்திரத்தை அபகரிக்கும் முயற்சி நடைபெறுகிறது என்று தெரிவித்துள்ளார்.