டிசம்பர் 17,18 ஆம் திகதிகள் ஆணைக்குழுவிற்கு வருமாறு மகிந்தவுக்கு அழைப்பு

முன்னாள் ஜனாதிபதி மகிந்த ராஜபக்சவை எதிர்வரும் டிசம்பர் 17 ஆம் 18ஆம் திகதிகளில் மீண்டும் விசாரணைகளுக்கு சமூகமளிக்குமாறு பாரிய ஊழல் மற்றும் மோசடிகளை விசாரிக்கும் ஜனாதிபதி ஆணைக்குழு அறிவித்துள்ளது.
முன்னாள் ஜனாதிபதி மகிந்த ராஜபக்ச இன்று முற்பகல் ஜனாதிபதி ஆணைக்குழுவிற்கு சமூகமளித்திருந்தார்.

கடந்த ஜனாதிபதித் தேர்தல் காலத்தில் மேற்கொள்ளப்பட்ட தேர்தல் விளம்பரங்களுக்காக தொலைக்காட்சி நிறுவனம் ஒன்றுக்கு செலுத்தப்பட வேண்டிய கட்டணம் தொடர்பான விசாரணைகளுக்காக மகிந்த அழைக்கப்பட்டிருந்தார்.

மகிந்த ராஜபக்ச சுமார் மூன்று மணிநேரம் ஆணைக்குழுவில் இருந்ததாக தெரிவிக்கப்பட்டுள்ளது.