போக்குவரத்து அமைச்சர் பதவி விலக வேண்டும்: வசந்த அலுவிகார

நல்லாட்சி ஒழுங்கான முறையில் செயற்படவில்லை என்றால் போக்குவரத்து அமைச்சர் நிமல் சிறிபால டி சில்வா தனது பதவியை இராஜினாமா செய்ய வேண்டும் இராஜாங்க அமைச்சர் வசந்த அலுவிகார தெரவித்துள்ளார்.
அண்மையில் போக்குவரத்து அமைச்சரினால் வெளியிடப்பட்ட கருத்திற்கு பதிலளிக்கும் வகையில் அவர் இவ்வாறு குறிப்பிட்டுள்ளார். தொடரந்து கருத்து வெளியிட்டவர்,

வரலாற்றில் முதல் தடவையாக தான் பிரதமர் ரணில் விக்ரமசிங்க மற்றும் ஜனாதிபதி மைத்திரிபால சிறிசேனவும் புதிய அரசியல் திருத்தம் ஒன்றினை ஆரம்பித்துள்ளனர் என்பதனை அமைச்சர் நிமல் சிறிபால டி சில்வா புரிந்து கொள்ள வேண்டும்.

இந்த அரசியல் திருத்தமே தேசிய அரசாங்கமாகும். இந்த தேசிய அரசாங்கத்தில் அனைவரும் இணைந்துள்ளனர்.

இரண்டு வருடங்களுக்கு பிரதான கட்சிகளான ஸ்ரீலங்கா சுதந்திர கட்சி மற்றும் ஐக்கிய தேசிய கட்சிக்கு இடையில் ஒப்பந்தம் ஒன்று கைச்சாத்திடப்பட்டுள்ளது.

அதற்கமைய நிமல் சிறிபால சில்வா அவ்வாறு கருத்து வெளியிட்டுள்ளமை குறித்து நான் வருத்தமடைகின்றேன்.

அப்படி என்றால் நிமல் சிறிபால டி சில்வா தனது அமைச்சில் இருந்து பதவி விலகி விட்டு குறித்த பதவியை மற்றும் ஒருவருக்கு வழங்கிய பின்னர் இவ்வாறு விமர்சிக்க முடியும் என அவர் மேலும் குறிப்பிட்டுள்ளார்.