அரசாங்க அதிகாரிகளுக்கு எதிராக 4000 முறைப்பாடுகள் - எவன்கார்ட் தொடர்பில் மற்றுமொரு விசாரணை

நடப்பாண்டில் அரசாங்க அதிகாரிகளுக்கு எதிராக 4,000 முறைப்பாடுகள், லஞ்ச ஊழல் ஆணைக்குழுவுக்கு கிடைத்துள்ளதாக அதன் பணிப்பாளர் நாயகம் தில்ருக்ஷி விக்கிரமசிங்க தெரிவித்துள்ளார்.
இன்று இடம்பெற்ற ஊடகவிலாளர் சந்திப்பில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

இந்த முறைப்பாடுகளை விசாரணை செய்வதற்கு குறைந்த அளவிலான அதிகாரிகள் மாத்திரமே உள்ளார்கள் என அவர் சுட்டிக்காட்டியுள்ளார்.

எப்படியிருப்பினும் இன்றையதினம் பொலிஸ்மா அதிபரின் ஆலோசனைக்கமைய விசாரணைகளை மேற்கொள்வதற்காக 50 பொலிஸ் அதிகாரிகளை நியமிப்பதற்கு தீர்மானிக்கப்பட்டுள்ளதாக அவர் குறிப்பிட்டுள்ளார்.

எவன்கார்ட் தொடர்பில் மற்றுமொரு விசாரணை

எவன்கார்ட் சம்பவம் தொடர்பில் மற்றுமொரு விசாரணை ஆரம்பிக்கப்படவுள்ளதாக லஞ்சம் மற்றும் ஊழல் விசாரணை ஆணைக்குழு தெரிவித்துள்ளது.

கொழும்பில் இன்று நடைபெற்ற ஊடகவியலாளர் சந்திப்பில் கலந்துக்கொண்டு ஆணைக்குழுவின் பணிப்பாளர் நாயகம் தில்ரூக்ஷி் டயஸ் விக்ரமசிங்க இதனைத் தெரிவித்துள்ளார்.

அத்துடன், டிசம்பர் மாதம் 9ஆம் திகதி அனுஷ்டிக்கப்படவுள்ள சர்வதேச ஊழலுக்கு எதிரான தினத்தை முன்னிட்டு நடைமுறைப்படுத்தப்படவுள்ள விசேட வேலைத்திட்டங்கள் தொடர்பிலும் இந்த ஊடகவியலாளர் சந்திப்பின் போது கருத்து தெரிவிக்கப்பட்டது.