ம.தி.மு.க. பொதுச் செயலாளர் வைகோவின் தாயார் காலமானார்: தலைவர்கள் இரங்கல்

ம.தி.மு.க. பொதுச் செயலாளர் வைகோவின் தாயார் உடல் நலக் குறைவால் இன்று காலை காலமானார்.
உடல் நலக் குறைவு காரணமாக பாளையங்கோட்டை தனியார் மருத்துவமனையில் அனுமதிக்கப்பட்டு இருந்த வைகோ தாயார் மாரியம்மாள், மருத்துவர்களின் தீவிர சிகிச்சை பலன் அளிக்காமல் இன்று காலை 9.15 மணியளவில் உயிரிழந்துள்ளார்.

இவருக்கு, வைகோ, வை.ரவிச்சந்திரன் என்ற 2 மகன்கள், 3 மகள்கள் உள்ளனர். அவருக்கு வயது 96.

மேலும், இவர் கடந்த சில மாதங்களுக்கு முன், கலிங்கப்பட்டியில் நடந்த மது ஒழிப்பு போராட்டத்தை முன்னெடுத்து நடத்தினார் என்பது குறிப்பிடத்தக்கது.

அவரது மறைவுக்கு அரசியல் கட்சித் தலைவர்கள் பலரும் இரங்கல் தெரிவித்து வருகின்றனர்.