பிரதிப் பொலிஸ் மா அதிபர் பொலிஸ் ஆணைக்குழுவில்

புத்தளம் மாவட்ட பிரதி பொலிஸ் மா அதிபர் இந்து கருணாரத்ன இன்று பொலிஸ் ஆணைக்குழுவில் முன்னிலையாகியுள்ளார்.
இவர் இன்று காலை ஆணைக்குழுவில் முன்னிலையாகியுள்ளதாக பொலிஸ் ஆணைக்குழுவின் பேச்சாளர் ஒருவர் குறிப்பிட்டுள்ளார்.

புத்தளம் மாவட்ட பிரதிப் பொலிஸ் மா அதிபர் கொள்ளுப்பிட்டி பகுதியில் அமைந்துள்ள விடுதியொன்றில் மது போதையில் குழப்பம் விளைவித்ததாக அண்மையில் செய்திகள் வெளியாகியிருந்தன.

இந் நிலையில் இது குறித்த விசாரணைகளுக்காக இவர் ஆணைக்குழுவில் முன்னிலையாகியுள்ளதாக ஆணைக்குழுவின் பேச்சாளர் மேலும் தெரிவித்துள்ளார்