நள்ளிரவில் பேருந்து கவிழ்ந்து விபத்து: 2 கர்ப்பிணிப் பெண்கள் உள்பட 11 பேர் பலி

by oviya Sun Oct 25, 2015 2:14 pm

மிஸோரம் மாநிலத்தில் நேற்று நள்ளிரவில், பேருந்து ஒன்று கவிழ்ந்து விபத்துக்குள்ளானதில் 2 கர்ப்பிணிப் பெண்கள் உள்பட 11 பேர் பலியாகியுள்ளனர்.
மிஸோரம் தலைநகர் அய்ஸ்வாலில் இருந்து லாங்ட்லாய் நோக்கி நேற்று நள்ளிரவு பேருந்து ஒன்று சென்று கொண்டிருந்துள்ளது.

இந்நிலையில், அந்த பேருந்து ராம்லாய்டுயி என்ற கிராமத்துக்கு அருகே சென்ற போது ஓட்டுநரின் கட்டுப்பாட்டை இழந்துள்ளது.

இதையடுத்து, அந்த பேருந்து சாலையோரப் பள்ளத்தில் கவிழ்ந்து விபத்துக்குள்ளாகியுள்ளது.

தகவலறிந்து சம்பவ இடத்துக்கு மீட்பு படையுடன் சென்ற பொலிசார், காயமடைந்த 21 பயணிகளை மீட்டு அருகில் உள்ள அரசு மருத்துவமனையில் சிகிச்சைக்காக அனுமதித்துள்ளனர்.

மேலும், இரண்டு கர்ப்பிணிகள் உள்பட நான்கு பெண்கள் மற்றும் 7 ஆண்களின் உடல்களை மீட்டு பிரேத பரிசோதனைக்காக அனுப்பி வைத்துள்ளனர்.

இச்சம்பவம் தொடர்பாக வழக்குப் பதிவு செய்துள்ள பொலிசார் தற்போது விபத்துக்கான காரணம் குறித்து விசாரணை நடத்தி வருகின்றனர்.