காலி கோட்டையில் மாற்றங்களை மேற்கொள்ளுமாறு பிரதமர் உத்தரவு

காலி கோட்டை பிரதேசத்தில் இயங்கி வரும் சகல அரச நிறுவனங்களையும் வேறும் இடத்திற்கு மாற்றுமாறு பிரதமர் ரணில் விக்ரமசிங்க, நகர அபிவிருத்தி அதிகார மற்றும் பிற அரச அதிகாரிகளுக்கு உத்தரவிட்டுள்ளார்.
காலி நகரத்தினுள் முன்னெடுக்கப்படவுள்ள அபிவிருத்தி திட்டங்கள் தொடர்பில் பிரதமர் தலைமையில் கூட்டமொன்று காலி லைட் ஹவுஸ் ஹோட்டலில் நடத்தப்பட்டுள்ளது.

காலி கோட்டையில் அமைந்துள்ள அருங்காட்சியகங்கள் அனைத்தையும் ஒரே கட்டிடத்தின் கீழ் கொண்டு வர நடவடிக்கை மேற்கொள்ளுமாறு பிரதமர் குறிப்பிட்டுள்ளார்.

அத்துடன் காலி கோட்டை பண்டைய மதிப்பினை பாதுகாக்கும் வகையில் அபிவிருத்தி நடவடிக்கை மேற்கொள்ளப்பட வேண்டியது அவசியம் என அதிகாரிகளுக்கு பிரதமர் ஆலோசனை வழங்கியுள்ளார்.

காலி புகையிரத நிலையத்திலும் மாற்றங்கள் செய்யப்பட வேண்டுமென பிரதமர் மேலும் குறிப்பிட்டுள்ளார்.