மாற்றங்களை உள்வாங்கி வெற்றி பெற்றவர்களான மாற்றம் பெறுவோம்: சிறீதரன் எம்.பி

நூற்றாண்டு பெருமை மிக்க கோப்பாய் கிறிஸ்தவ கல்லூரியின் தொழில் நுட்ப ஆய்வுகூடத்திறப்புவிழா நேற்று பாடசாலை அதிபர் தலைமையில் இறை அனுட்டானங்களுடன் சிறப்புற நடைபெற்றுள்ளது.
இதில் முதன்மை விருந்தினராக கலந்து கொண்ட பா.உறுப்பினர் சி.சிறீதரன் சிறப்புரையாற்றினார்.

அவர் தனது உரையில்,

பாரம்பரியமும் நூற்றாண்டு பெருமையும் மிக்க கோப்பாய் கிறிஸ்தவ கல்லூரியின் தொழில்நுட்ப ஆய்வு கூடத்திறப்பு விழாவில் கலந்து கொண்டதில் மகிழ்ச்சி அடைகின்றேன்.

மிகவும் திட்டமிடப்பட்ட வகையில் இந்த விழாவை பாடசாலை அதிபர், ஆசிரியர்கள், மாணவர்கள் சிறப்பாக நடத்திக் கொண்டிருப்பதை பார்க்கும்போது இந்த பாடசாலையின் நூற்றாண்டு அனுபவம் வெளிப்படுகின்றது.