நடிகர் சங்கத்தில் ரூ.1 கோடிக்கு மேல் இருந்த வைப்பு நிதி எங்கே? விஜயகாந்த் அதிரடி கேள்வி

நடிகர் விஜயகாந்த், தென்னிந்திய நடிகர் சங்கத்தில் ரூ.1 கோடிக்கு மேல் இருந்த வைப்பு நிதி பற்றி யாரும் பேசாதது ஏன் என கேள்வி எழுப்பியுள்ளார்.
ராமேஸ்வரம் மற்றும் சிவகாசியில் நடந்த ‘மக்களுக்காக மக்கள்பணி’ நிகழ்ச்சியில் கலந்துகொண்டுவிட்டு, தேமுதிக தலைவர் விஜயகாந்த் நேற்று சென்னை திரும்பியுள்ளார்.

அப்போது சென்னை விமான நிலையத்தில் பேட்யளித்த அவர், நடிகர் சங்க தேர்தல் குறித்த கேள்விக்கு பதிலளிக்கையில், தென்னிந்திய நடிகர் சங்கத்துக்கு ரூ.4 கோடி கடன் இருந்தது உண்மை தான்.

ஆனால் நடிகர் சங்கத்தின் வைப்பு நிதியாக ரூ.1 கோடிக்கு மேல் இருந்தது, அதைப் பற்றி யாருமே பேசாதது ஏன்? என கேள்வி எழுப்பியுள்ளார்.

இன்று காலை முதல் நடிகர் சங்கத் தேர்தல் விறுவிறுப்பாக நடைபெற்று வருகிறது.

நடிகர் சரத்குமார் அணி மற்றும் விஷால் இடம்பெற்றுள்ள பாண்டவர் அணிக்கும் இடையே கடும் போட்டி நிலவுகிறது.

மேலும், நடிகர் ரஜினிகாந்த், விஜய், கமலஹாசன் போன்ற அனைத்து நடிகர்கள் மற்றும் நடிகைகள் தங்கள் வாக்குகளை பதிவு செய்து வருகின்றனர்.