இராமேஸ்வரம் அருகே நடுக்கடலில் மர்மமாக கரை ஒதுங்கிய இலங்கை படகு!

இராமேஸ்வரம் அருகே உள்ள கடல்பகுதியில் இன்று அதிகாலையில் மர்மமான முறையில் கரை ஒதுங்கிய இலங்கை படகு குறித்து பாதுகாப்பு வட்டாரங்கள் தீவிர விசாரணை நடத்தி வருகின்றனர்

இராமநாதபுரம் மாவட்டம் இராமேஸ்வரம் நரிக்குழி கடல்பகுதியில் இன்று அதிகாலையில் மர்மமான முறையில் இயந்திரம் பொருத்திய பைபர் கிளாஸ் படகு ஒன்று கரை ஒதுங்கியுள்ளதாக கியூபிரிவு போலீஸாரக்கு தகவல் கிடைத்தது.

இதனையடுத்து கியூபிரிவினர் படகை கைப்பற்றினர். பைபர் கிளாஸ் படகு இலங்கை மன்னார் பகுதியைச் சேர்ந்தது எனக் கண்டுபிடிக்கப்பட்டது

படகிலிருந்து கடத்தல் பொருள்கள் வந்ததா அல்லது கடத்தல் பொருளை எடுத்துச் செல்ல வந்தவர்களா, அல்லது கடந்த மூன்று தினங்களுக்கு முன்பு தமிழக சிறைகளுக்கு அச்சுறுத்தல் விடுத்த தீவிரவாதிகளா என்பது குறித்து பல கோனங்களில் பாதுகாப்பு பிரிவு போலீஸார் மற்றும் மத்திய உளவுத்துறையினர் தீவிரமாக விசாரணை நடத்தி வருகின்றனர்.

மேலும் படகிலிருந்து ஊடுருவியர்வர்கள் கடத்தல் சம்பந்தப்படவர்களா என அப்பகுதி கிராம மக்களிடமும் கடத்தல் சம்பந்தப்பட்டவர்களிடம் சுங்கத்துறையினர் மற்றும் உள்ளுர் போலீஸார் விசாரணை நடத்தி வருகின்றனர்.

கடற்படை, கடலோர காவல்படை, மற்றும் கடலோர காவல் போலீஸ் படையினர் இவர்களின் தீவிர பாதுகாப்பையும் மீறி இராமேஸ்வரம் கடல் பகுதியில் மர்மமான முறையில் இலங்கை படகு கரை ஒதுங்கிய சம்பவம் இராமநாதபுரம் துறைமுகப் பகுதிகளில் பரபரப்பை ஏற்படுத்தியுள்ளது.