கொச்சியில் மீன்பிடிப் படகு மோதி இரண்டாக உடைந்த சுற்றுலா படகு: 8 பேர் பலி

by oviya Wed Aug 26, 2015 3:19 pm

கொச்சியில் சுற்றுலா படகு கவிழ்ந்து விபத்துக்குள்ளானதில் 8 பேர் பரிதாபமாக உயிரிழந்துள்ளனர்.
கொச்சியில் இன்று பிற்பகல் 45 பேருடன் பயணித்த சுற்றுலாப் படகு ஒன்றின் மீது திடீரென மீன்பிடிப் படகு மோதியது.

இதனால் அந்த சுற்றுலா படகு இரண்டாக உடைந்து கவிழ்ந்தது. இதில் 8 பேர் நீரில் மூழ்கி பரிதாபமாக உயிழந்துள்ளனர்.

சுமார் 30 பேர் பாதுகாப்பாக மீட்கப்பட்டு கொச்சி, எர்ணாகுளம் மருத்துவமனைகளில் அனுமதிக்கப்பட்டுள்ளனர்.

தொடர்ந்து மீட்பு பணிகள் நடைபெற்று வருகிறது. மேலும், பலி எண்ணிக்கை அதிகரிக்கும் என்று அஞ்சப்படுகிறது.

35 பேர் செல்லக் கூடிய இந்த படகில் அதிக எண்ணிக்கையில் பயணிகள் ஏற்றப்பட்டதால் படகு உடைந்ததாக கூறப்படுகிறது. இது பற்றி விசாரணை நடத்தப்பட்டு வருகிறது.