நடிகர் விஷால் மீது கிரிமினல் வழக்கு தொடர்ந்த சரத்குமார்

நடிகர் விஷால் மீது நடிகர் சரத்குமார் கிரிமினல் வழக்கு தொடர்ந்துள்ளார்.
தென்னிந்திய நடிகர் சங்கத் தேர்தலில் சரத்குமார் தலைமையில் ஒரு அணியும், விஷால் தலைமையில் ஒரு அணியும் போட்டியிடுகின்றன.

நடிகர் விஷால், நடிகர் சங்கத்தில் ஊழல் நடந்திருப்பதாகவும், நாங்கள் தேர்ந்தெடுக்கப்பட்டால் ஊழல் பற்றி விசாரிக்கப்படும் என்றும் கூறி வருகிறார்.

இந்நிலையில், விஷால் மீது நடிகர் சரத்குமார் சென்னை எழும்பூர் குற்றவியல் நடுவர் நீதிமன்றத்தில் இன்று கிரிமினல் வழக்கு தொடர்ந்துள்ளார்.

அதில், தனக்கு எதிராக பல இடங்களில் நடிகர் விஷால் பொய் பிரசாரம் செய்து வருகிறார் என்றும், தாம் ஊழல் செய்ததாக எந்த ஆதாரமும் இல்லாமல் விஷால் கூறி வருகிறார் எனவும் குறிப்பிட்டுள்ளார்.

இது குறித்து கருத்து தெரிவித்துள்ள விஷால், சரத்குமார் தொடர்ந்துள்ள வழக்கை சட்ட ரீதியாக எதிர்கொள்வேன்.

மேலும், சரத்குமார் மீதான புகாருக்கு தன்னிடம் ஆதாரங்கள் உள்ளன என்று கூறியுள்ளார்.