மத வெறியர்களிடம் இருந்து தப்பிக்க இந்து நண்பரை அழைத்த இஸ்லாமியர்: பால்ய கால நண்பர் பகிர்ந்த தகவல்

மாட்டுக் கறி சாப்பிட்டதாக கூறி கொலை செய்யப்பட்ட முகம்மது இக்லாக் மத வெறியர்களிடம் இருந்து காப்பாற்ற தமது பால்ய கால இந்து நண்பரை அழைத்ததாக தகவல்கள் வெளியாகியுள்ளது.
உத்தரப்பைரதேச மாநிலம் தாத்ரியில் மாட்டுக்கறி சாப்பிட்டதாக கூறி மத வெறியர்களால் படுகொலை செய்யப்பட்ட இக்லாக், சம்பவத்தன்று தமது நண்பரான சிசோடியாவை தொலைபேசியில் அழைத்துள்ளார்.

அபாயகரமான சூழலில் தாம் இருப்பதாகவும், உடனடியாக பொலிசாரிடம் தகவல் தெரிவித்து தங்களை காப்பாற்ற வேண்டும் என கெஞ்சியுள்ளார்.

ஆனால் சிசோடியா பொலிசாருக்கு தகவல் தெரிவித்து விட்டு இக்லாகின் வீடு வந்து சேர்வதற்குள் மத வெறியர்கள் அவரை கொலை செய்துள்ளனர்.

கொடூரமாக தாக்கப்பட்ட நிலையில் ரத்த வெள்ளத்தில் கிடந்த இக்லாக்கின் மகனை மட்டுமே சிசோடியாவுக்கு காப்பாற்ற முடிந்துள்ளது.

6000 பேர் வசித்து வரும் இந்த கிராமத்தில் 30 முதல் 40 முஸ்லீம் குடும்பங்கள்தான் உள்ளனர். இதுவரையில் எவருடனும் மோதிக்கொண்டதில்லை என தெரிவித்துள்ள சிசோடியா,

இதுபோன்ற வெறிச்செயலை தங்களது கிராமம் இதுவரை கண்டதில்லை என்றார்.