இணையத்தில் பரவும் காணொளி உண்மையானதா? தேடுதல் வேட்டையில் பொலிசார்

இரண்டு இளைஞர்கள் அப்பாவி யுவதி ஒருவரை கடுமையாக தாக்கும் சம்பவம் ஒன்று தொடர்பான காணொளி சமூக வலைத்தளங்களில் வெளியாகியுள்ளது.
அக் காணொளியிலுள்ள யுவதியை அடையாளம் காணும் முயற்சியில் பொலிஸார் தீவிரமாக ஈடுபட்டுவருவதாக பொலிஸ் ஊடகப் பேச்சாளர் உதவிப் பொலிஸ் அத்தியட்சகர் ருவன் குணசேகர தெரிவித்துள்ளார்.

குறித்த பெண்ணை அடையாளம் காணும் பட்சத்தில் மாத்திரமே சம்பவம் குறித்து விசாரணை செய்ய முடியும் என அவர் தெரிவித்துள்ளார்.

இந்த காணொளி உண்மையானதா அல்லது அரங்கேற்றப்பட்ட ஒன்றா என்பதை இதுவரை உறுதிப்படுத்த முடியவில்லை என அவர் சுட்டிக்காட்டியுள்ளார்.

சம்பவத்தில் பதிவாகியுள்ள இரண்டு இளைஞர்களையும், பாதிக்கப்பட்ட பெண்ணையும் மற்றுமொரு பெண்ணையும் நன்கறிந்த ஒருவரே இந்த காணொளியை பதிவுசெய்துள்ளதாக ருவன் குணசேகர மேலும் தெரிவித்துள்ளார்.