இணையத்தில் பரவிய காணொளி பழமையானது: இளைஞனும் யுவதியும் பொலிசில் ஆஜர்

யுவதியொருத்தியை இரண்டு இளைஞர்கள் கண்மூடித்தனமாக தாக்கும் காணொளி மிகப் பழமையானது என்று அதில் காணப்படும் இளைஞனும்,யுவதியும் பொலிசில் தெரிவித்துள்ளனர்.
தாக்குதல் தொடர்பான காணொளியில் காணப்படும் தாக்குதலுக்குள்ளான யுவதியும், தாக்கிய இளைஞனும் இன்று கட்டுநாயக்க பொலிசில் நேரில் ஆஜராகி இதனைத் தெரிவித்துள்ளனர்.

குறித்த காணொளி சுமார் 11 மாதங்கள் பழமையானது என்று தெரிவித்துள்ள அவர்கள், அதன் பின்னர் பிரச்சினைகளை மறந்து தாங்கள் இருவரும் சமாதானமாகிவிட்டதாகத் தெரிவித்துள்ளனர்.

அத்துடன் தாங்கள் இருவரும் தற்போது காதலர்கள் என்றும் மிக விரைவில் திருமணம் முடித்துக்கொள்ளவுள்ளதாகவும் அவர்கள் தெரிவித்துள்ளனர்.

இதனையடுத்து குறித்த காணொளி தொடர்பான விசாரணைகளை கைவிட பொலிசார் தீர்மானித்துள்ளதாக பொலிஸ் ஊடகப் பிரிவு அறிவித்துள்ளது.