ஒசாமா பின்லேடன் என கூறி சீக்கியர் மீது கொலைவெறி தாக்குதல்: அமெரிக்காவில் நடைபெற்ற அவலம்

அமெரிக்காவில் வயதான சீக்கியர் ஒருவரை ஒசாமா பின்லேடன் என கூறி, தாக்குதல் நடத்தியவரை பொலிசார் கைது செய்தனர்.
அமெரிக்காவில் வசிக்கும் சீக்கியரான இந்திரஜித் சிங் முக்கெர் என்பவர் கடந்த செவ்வாய்யன்று காரில் சென்று கொண்டிருந்தார்.

அப்போது மர்ம நபர் ஒருவர் காரில் இருந்த அவரை வெளியே இழுத்து ஒருவர் பலமாக தாக்க தொடங்கியுள்ளார்.

மேலும் முக்கெரை தீவிரவாதி ஒசாமா என்று அழைத்த அவர் உங்கள் நாட்டிற்கு திரும்பி போ என்றும் ஆவேசமாக கத்தியுள்ளார்.

இந்த தாக்குதலால் அவர் முகத்தில் உள்ள எலும்பு முறித்து ரத்தம் வழிய தொடங்கியது.

மேலும் நிலைகுலைந்த முக்கெர் உணர்வற்ற நிலைக்கு சென்றதாகவும் கூறப்படுகிறது. இதனையடுத்து அவர் உடனடியாக மருத்துவமனைக்கு கொண்டு செல்லப்பட்டார்.

அங்கு அவருடைய முகத்தில் உள்ள காயங்கள் மற்றும் எலும்பு முறிவுக்கு சிகிச்சை அளிக்கப்பட்டு வருகிறது.

இதற்கிடையே தாக்குதல் நடத்திய நபரை போலிசார் கைது செய்து விசாரணை நடத்தி வருகின்றனர்.