ஐ.தே.க அலுவலகத்தின் மீது தாக்குதல்

புத்தளம், ஆராச்சிகட்டுவ பிரதேசத்தில் ஐக்கிய தேசிய கட்சி அலுவலகத்திற்கு தாக்குதல் ஒன்று மேற்கொள்ளப்பட்டுள்ளதாக தெரிவிக்கப்பட்டுள்ளது.
இன்று காலை அலுவலகத்தில் இருந்த பெயர்ப் பலகையையும் சுற்றி அலங்கரிக்கப்பட்டிருந்தவைகளையும் நாசப்படுத்தியுள்ளதாக ஆராச்சிகட்டுவ பிரதேசத்தின் ஐக்கிய தேசிய கட்சி உறுப்பினர் எம்.எம்.எனிஸீடஸ் டி சில்வா தெரிவித்துள்ளார்.

சம்பவம் தொடர்பாக பொலிஸாரிடம் முறைப்பாடு செய்துள்ளதாக எம்.எம்.எனிஸீடஸ் டி சில்வா மேலும் தெரிவித்துள்ளார்.

குறித்த அலுவலகம் நேற்று மாலை திறக்கப்பட்டமை குறிப்பிடத்தக்கது.