பலாத்காரத்தால் பாதிக்கப்பட்ட 9 வயது சிறுமிக்கு குவியும் உதவிகள்

ஜார்க்கண்ட் மாநிலத்தில் பலாத்கார சம்பவத்தில் படுகாயமடைந்த 9 வயது சிறுமி தொடர்பான செய்திகள் வெளியானதை அடுத்து தற்போது அவருக்கு பலர் உதவி செய்ய முன்வந்துள்ளனர்.
கிழக்கு சிங்பும் மாவட்டத்தில் கடந்த யூலை மாதம், 9 வயது சிறுமி ஒருவர் உள்ளூர் நபரால் பாலியல் பலாத்காரம் செய்யப்பட்டுள்ளார்.

சிறுமியை பலாத்காரம் செய்த உள்ளூர் நபரை பொலிஸார் கைது செய்தனர்.

தற்போது மருத்துவ சிகிச்சைக்குப் பின் சிறுமியின் உடல்நிலை தற்போது சீராக இருந்தாலும் ஆரம்ப சுகாதார நிலையத்துக்கு அடிக்கடி செல்லவேண்டியுள்ளது.

போக்குவரத்து வசதிகள் பெருமளவில் இல்லாத அந்த கிராமத்தில், அந்த சிறுமியின் தந்தை மருத்துவ சிகிச்சைக்காக 4 கி.மீ. தொலைவுக்கு தனது மகளை தூக்கிச் சென்று வந்தார்.

பின்னர் இந்த செய்தி ஊடகங்களில் வெளியாகி பரபரப்பை ஏற்படுத்தியது.

இதையடுத்து அச்சிறுமியின் பெயரில் தொடங்கப்பட்ட வங்கிக் கணக்கில் பல லட்சம் ரூபாய் நன்கொடை வந்துள்ளது.

இந்நிலையில், மெதந்தா குழுமத்தின் முன்னணி மருத்துவமனை ஒன்று அச்சிறுமிக்கு அறுவை சிகிச்சை செய்து சேதமடைந்த பகுதிகள் முற்றிலும் சரிசெய்யப்பட்டுள்ளது.

சிறுமியின் குடும்பத்துக்கு உடனடியாக ரூ.1 லட்சம் வழங்கவும் வழக்கை தொடர்ந்து கண்காணிக்கவும் அரசுக்கு ஜார்க்கண்ட் உயர் நீதிமன்றம் உத்தரவிட்டுள்ளது.

மேலும், சிறுமியின் தந்தைக்கு சைக்கிளும் வேலைவாய்ப்பும் வழங்குவதாக உள்ளூர் நிர்வாகம் உறுதி அளித்துள்ளது.